Paneli për Shqyrtimin e të Drejtave të Njeriut - Bashkimi Evropian

Bashkimi Evropian ka themeluar Panelin për Shqyrtimin e të Drejtave të Njeriut (Paneli) më 29 tetor 2009, me mandatin për të shqyrtuar shkeljet e dyshuara të të drejtave të njeriut nga misioni i EULEX-it Kosovë, gjatë përmbushjes së mandatit të tij ekzekutiv.

Paneli është organ i jashtëm dhe i pavarur llogaridhënës, i cili përmbush funksionet e veta me paanësi dhe integritet. Paneli plotëson llogaridhënien e përgjithshme të EULEX-it, që përfshin Mekanizmin e Brendshëm Disiplinor të EULEX-it dhe Skemën e Sigurimit të Përgjegjësisë ndaj Palëve të Treta të EULEX-it.

Paneli shqyrton ankesat që parashtrohen brenda afatit gjashtë mujor nga data e shkeljes së pretenduar. Paneli vendos nëse ankesa është e pranueshme apo e papranueshme, shqyrton ankesën dhe nxjerr të gjeturat nëse EULEX-i ka shkelur ligjin për të drejtat e njeriut, të zbatueshëm në Kosovë.

Kur Paneli përcakton se ka ndodhur shkelja, gjetjet e tij mund të përfshijnë rekomandime jo detyruese për veprime korrigjuese nga shefi i Misionit. Rekomandimet e Panelit dhe veprimet pasuese nga shefi i Misionit në lidhje me zbatimin e atyre rekomandimeve publikohen në gjuhën angleze, shqipe dhe serbe në faqen e internetit të Panelit.

Komunikata e fundit për shtyp

Buletini i fundit

Raporti vjetor 2022